|
|
|
 Ce stéve
‘na vote a nu pajése de mundaggne, ‘na matréje
k’agabbetave k’a figghj‚ è kk’a fegghjastre
nda nu supranètte ke nu bbèlle bbalekungine ke tanda
graste de cetratèll’è vvasenekole. ‘A matréje
ére ‘na fèmmene ndussekose assaje, ka’ sekkome
‘a fegghjastre ére cchjù aggrazzjate d’a
figghje, ‘a maletrattave a oggnè mmod’è
mmanére. P’a figghje, appèrò, ce stravedéve:
urdenave sèmbe vèste nove, i kkattave puz’è
bbrellokke dore è i facéve passà tutt’i
sfizzje. Nu jurne ‘a fegghjastre, sekkome i ttukkavene tutt’i
faccènne de kase, stéve assettate sop’u bbalekungine,
ke ‘na cèsta nzine, a sskurzà i pesille. Kuanne
fernìje, tramènde stéve pe ttrasì ‘a
sèggia dinde, menaje ‘na bbotte de vinde è ‘a
cèste kadìj’a ‘bbassce nd’u kurtigghje.
Nda stu kurtigghje, dind’a nu suttane, agabbetave sule sule
nu vècchje kè tuttekuande chjamavene "Nannurke",
tand’éve bbrutte, sguèrce è ppeluse. Kuann’a
fegghjole asscennìje a ‘bbassce p’arrekuparà
‘a cèste, Nannurke ‘a ‘cciaffaje pe nu vrazze
è ss’a trasìje dinde. «Né, bbèlla
fegghjò, u saje ka pe ppoke nen m’abbussckave ‘a
cèste ngape? Mò, pe ppenetènze, m’haja
zappà ‘a kase». A llà ce stèven’a
‘nzime, appujate a nu zinne, ‘na zapp’è ‘na
skope. ‘A uagghjone, k’ére ‘na chjapp’è
mmbése, kapìje subbete ‘a sunate, è, mméce
d’a zappe, dìje mane a’ skope è ffacìje
‘na bbèlla puluzzate. «Mò, m’haja
zappà ‘a kape!». È kkuèll’i
passaje ‘a pettenèsse a’mmizz’è kapille
trazzeluse è i facìje ‘na bbèlla kapalissce
k’a skrime da nu late. È Nnannurke tutte kundènde:
«Sì state addavaramènde bbrave è tte
vogghje fà nu rrejale: vuje ‘na vèste de rakene
o ‘na vèste de séte?». A uagghjone ka fetéve
d’arze, kapìje subbete a ‘ndò kuille vuléve
jì a pparà è, miccia micce, respunnìje:
« ’A vèste de rakene!». È u vècchje:
« È gghìje te dènghe kuèlle de
séte!»; kacciaje d’o stepone nu bbèlle
vestite de fagghja nèreve tutte skullate è ssbracciate
kè, kkuann’a fegghjole s’u mettìje, paréve
‘na reggenèlle. Kuanne stéve p’akkummjatarze,
u vècchje i decìje: «È mmò, bbèlla
fegghjò, te vogghje dà pure nu kunzigghje: mò
ka te ne vaje, a ssi sinde kandà nu galle avassce ‘a
kape; a ssi sinde arragghjà nu ciucce agaveze ‘a kape».
A fegghjole, k’ére ‘na figghje de ndrocchje, éve
ggià kapite k’éva fà tutt’u kundrarje
de kuille ka kumannave Nannurke. Appéne sendìje nu
kikkrakki agavezaje ‘a kape è ss’abbussckaje ‘na
bbèlla stèlle de bbrellande mbronde. Kuann’anghjanaje
sope ke sta stèlle k’alluccechjave, avìj’akkundà
tutte kose pe ffil’è ppe ssèggne. A matréje,
mmedjose, penzaje: «Mò fazze fà i stèsse
kose a figghjeme, a ‘kkussì pure ghèsse ave pe
rrjale ‘na bbèlla stèlle de bbrellande».
‘A chjamaje, ‘a nzengherjaje bbèlla bbèlle,
jettaje ‘n’ata vote ‘a cèste nd’u kurtigghje
è ‘a ‘bbjaje. Ma ‘a figghje, nenn’ére
fina fine kum’a fegghjastre; ére ‘na mèzza
bbabbe è, kkuanne Nannurke i cerkaje i stèsse kose,
u pegghjaje mbarole è o’ poste de skupà, zappaje
avaramènde ‘a matunate è, a 'kkussì, ‘a
mettìje sotta sope. Mméce de lavà i pjatte,
k’a zapp‚i facìje frikuele frikuele. È kkuanne
Nannurke ‘a kumannaje de farce ‘a kape, k’a zappe,
pe ppoke nenn’u mannave a’ Krocia Vèrde. È
tanne Nannurke i vulìje fa ‘na bbèlla frekature.
Apprim’i ddummannaje: «Vuje ‘na vèste de
rakene o ‘na vèste de séte?». È
kkuèlle, fèssa fèsse, spalazzaje tande d’ucchje:
«De séte! De séte!». È i ttukkaje
subbete vune tutte de rakene kè, kuanne s’a mettìje,
paréve nu sakke de karavune. Po’, pe kunzigghje, u vècchje
i decìje tutt’u kundrarje d’a prima vote: «A
ssi kande u galle, kal’a kape; a ssi ragghje u ciucce agaveze
‘a kape», è kkuèlle, fèssa fèsse,
a ‘kkussì facìje. U ciucce abbjaje a rragghjà,
kuèlla kalamone agavezaje ‘a kape è s’abbussckaje
mbacce pitete è kkode de ciucce. (Leggi
la traduzione) Pasquale
Zolla
|
|
|
|
