 Lucére
è timbe d’i tatarusse nustre
Apprime
d’akkumenzà, ve vogghje akkundà kakkèkkose
d’i timbe jute d’u "Pajése de Sanda Marìje"
- a ‘kkussì se chjamave tanne! -, pe cchjù
mègghje kapì kume sò nnate i kunde de Nannurke
è dde Mammamenorke.
‘A nasscete
de Lucére nze sape kum’è state, tande kè
da kund’è kunducille véne arravugghjate. Ma
nenn’éje d’a nasscete ka ve vogghje dì,
ma de kuille ka stu Pajése ére è timbe d’i
tatarusse nustre.
Sop’a
trè kuppucèlle agavezate, tunne tunne kum’a
‘na turtire pe ffà i patane o’ furne o a nu melon’a
akkue, assemegghjave a nu pajesone ndik’assaje è ‘a
ggènde kè a ‘kkuà venéve s’u
sullazzave facènne u strussce tra i kasuccèlle vassce
k’i kurtigghje, strètt’è strettulèlle,
chjazzètte chjéne d’areve è ffjure.
‘A chjazza prengepale ér’a ‘mmizz’o
lareghe, ka év’u luke cchjù amate è
ffrekuendate d’è Lucerine pe ffà u strussce
è kanosscese. (Kuand’amure a llà so nnate!).
Tanne o’ salvatore, sopattutte de sére, nze putéve
jì pekké ére kunzederate nu luke de perdezzjone.
(Ère u luke p’i puttane è i malabbuatte!).
A ‘tturn’a ‘tturne ‘a kambaggne! ‘Na
kambaggne rikk’assaje, k’arrekorde angore gogge kuèlle
ka ére ‘a vukazzjune d’i tatarusse nustre: i
kambaggnule o kafune ka dì se vole. Ki putéve, fatekave
u pezzetille de tèrra suje: n’urtucille, ‘na
veggnarèlle, ‘na vulevéte è, ammakare,
kresscéve pure nu purkucille, k’i ghjannele de l’areve
d’u Salvatore, nd’u kurtigghje a ‘rrét’a
kase. Abbesuggna pure dì kè tanne tanda krestjane
kambavene nd’i kasucèlle a ‘nzime k’i ciucciarille,
k’i kacciunille è kk’i mussciarille pekkè
i suracille nen mangavene maje! I prubbjetarje de tèrr’assaje,
mméce, semmenavene rane, urge è vvéne. È
nnen ve dike i festecciole ka se facèvene pe ffore o mumènde
ka se trebbjave! ‘A sére, tramènde u zzurre
d’u cile jéve murènne, pe l’arje se sendèvene
i remure d’i karruzze trajenate da mul’è kkavalluzze
sop’i chjanghètte skunnettjate è kunzumate
d’o timbe è i lukkule de prjèzze d’i krjature
ka pazzjavene o vun’a ‘rrét’a n’avete
kurrèvene p’i strettulèlle d’u Pajése.
Tramènd’i kafune, o returne da fore, se facèvene
‘na bèlla lavate nd’u vacile pe lluarze da ngulle
è dd’a mmokke ‘a more d’a tèrre,
kè avete nenn’ére kè kuèlle d’a
mesèrje cchjù nèreve ka se pozza mmaggenà,
i mamme appreparavene da maggnà è, kuanne tutte
ére pronde ndavele, asscéve a ‘nnand’a
porte è lukkulave è figghje: “Passckà,
Annarè, éje tutte pronde, venite a mmaggnà!».
‘A famigghje, tanne, s’arrejunéve a ‘tturn’a
tavele è nze maggnave si tuttekuande nenn’èrene
arrevate! Dopp’u siggne d’a kroce è kakkè
parole de ngrazzjaminde a Ddìje da parte d’u patre,
ggnune s’assettave o’ poste suje pe maggnà kuase
sèmbe u panekutte (fatte ke cekurjèlle o fogghjamisscke
o rukule o tandelasene o marjule ka nasscèvene è
kkresscèvene pe vvulundà devine lungh’i tratture
de kambaggne o nd’i majése è i vuskètte
a ‘tturn’o Pajése). Se maggnave ‘na vot’o
jurne (ssckitt’a sére!) nda pjatte spase (i pjattille
i tenèvene ssckitt’i seggnure!) a ggruppe - kuatte/cinghe
perzune a ppjatte! - ggnune d’a parte ka tenéve a
‘nnanze. Durand’a jurnate i krjature s’hèvena
akkundandà de ‘na fèlle de pane tuste mbusse
nda l’akkue pe spunzarle è, a vvote, ke kakkè
pembedore spremute pe ssope. Prime d’a vernate, ‘a kambaggne
arrejalave l’uteme frutte suje: nèspre è ssoreve,
kè ammaturavene k’u timbe, bbone da magnarze nd’i
jurnate frèdd’assaje, melèlle k’i ssckakke
russce saprit’assaje, granate, ketuggne, funge purcine è,
sopattutte, i vulìve, nu merakuele d’a nature, ka
se putèvene maggnà, fà l’ugghje, appeccià
u stuppine d’u lume mmanganze d’u petrolje è
ffà u sapone pe llavà i panne è ppure i krestjane.
‘A tèrre bbon’assaje, u sole è ll’arja
pulìte érene ‘na rekèzze pe Llucére
pekkè, grazzje pure a’ fatike è l’arte
d’i tatarusse nustre è figghje tramannate, déve
(è ddace!) nu vine, u kacc’è mmitte, kè
angore ogge éje nu patrune grassciuse è uspetale
(a ‘nzime k’a rukule è kk’i munumènde
suje sènz’uuale: mbetejatre, kastille è Cchjìsagranne)
pe ccellènze p’i tande vesetature kè a ‘kkuà
vènene. È prime fridde nd’i kurtigghje o a
‘nnanz’è massarìje s’accedéve
u purke. U skannagge, k’allerìje fatte da gruss’è
ppecceninne è ppure d’è vecine de kase, kum’a
‘na sorte de karusille sfassciate ére pekkè
ne nze jettave ninde de ninde, manghe i zètele ka servèvene
pe ffà i pennille pe nzapunà ‘a vareve è
i skupètte pe ppuluzzà i vestite. Cikuele, savezicchje,
presutte, pite rècchje è mmusse èrene rekkèzze
pe n’anne ndére pe tuttakuand’a famigghje. I
kase, tanne, èrene tutte vassce è nne ndenèvene
né kurrènde (u lume a ppetrolje allustrechjave i
kase!) né rrubbunètte pe ffà ‘sscì
l’akkue (nu puzze k’a galètte p’oggnè
rrejone stéve pe jjènghe k’i sicchje ‘a
sarole p’u bbesuggne d’a jurnate!) né stufe è
ttermusefune, ma 'a furnacèlle o tuttacchjù u kamine
pe kkucenà (a mmè ka skrive angore gogge akkumbaggne
i rekurde de kuann’ére krjature!) è u vrascire
de staggne fatte pe ngavedà ‘a kase è i krestjane
nda virne. Ère probbete a ‘tturn’o’ vrascire
kè nd’i serate lunghe è ffrèdd’assaje
d’a bbrutta staggione ‘a famigghje s’arrejunéve
è i tatarusse akkundavene fatt’è ffattarille
d’i timbe passate d’è patre lore ditte, kè
k’u passà d’u timbe, jènne da ‘na
jenìje a ‘n’avete, i fiseme hanne pegghjate d’i
kunde kè nda stu libbre sonne akkundate. Kume puje nutà,
kare lettore, ‘a fandasìje d’i tatarusse nustre,
ggnurand’a kum’èrene, ha kaggnate fatt’è
kkose de tutt’i jurne nda kunde bbèll’assaje
(pure Nannurke è Mmammamenorke hanne mmendate!) kè
nn’hanne ninde da mmedjà a kkuilli tanda saputille
d’i timbe d’i timbe è de ogge kè ssckitt’a
kkuiste se sonne addedekate. (Leggi
la traduzione)
Pasquale
Zolla
|
